Фискалните сметки се оценети како штетни по здравјето на луѓето.
На удар се луѓето кои постојано се во контакт и работат со нив.
Се работи за супстанцијата бисфенол А, која се наоѓа во хартијата на која се печатат фискалните сметки.
Ова го потврдуваат повеќе истражувања на европски релевантни здравствени институции. Тие предупредуваат дека има токсична опасност во хартијата на која се печатат фискалните сметки.
Според Европската агенција за хемикалии, бисфенол А е класифициран како токсичен и од оваа година тој веќе не се употребува во ЕУ.
„Ја разгледуваме новината воспоставена од Европската Унија за и ние да се усогласиме и доколку анализите утврдат дека можеме што поскоро да го направиме тоа, ќе пристапиме и ние кон истото“, изјави денеска министерката за финансии Нина Ангеловска.
Комората на сметководители побара да се забрнат фискалните сметки поради присуство на штетни материи.
Во Македонија со месеци наназад се скенираат фискални сметки за поврат на ДДВ. Овој проект ќе го применува и Албанија.
