Конечно македонските граѓани ќе добијат современo здравство по сите европски стнадарди. Министерството за здравство објави дека Клиничкиот центар „Мајка Тереза“ и другите болници ширум оваа држава ќе бидат опремени со нови 1 500 најсовремени апарати за коцкање. Со оваа круцијална инвестиција значително ќе се олесни животот на пацинетите, чии животи и онака досега беа ставени на коцка.
„Со оваа, би рекол, најзначајна инвестиција значително ќе ја подобриме услугата за нашите пациенти. Повеќе пациентите нема да мораат да одат до најблиските казина и обложувалници за да си го остварат своето неопходно право на коцкање со животот. Животот на апарати воопшто не е лесен. Се надеваме дека со оваа инвестиција ќе внесеме барем малку љубов, ведрина и среќа кај овие луѓе.“ – изјави за нашата редакција министерот за здравство Венко Филипче.
Овој текст е измислен со цел да привлече внимание и да ја прикаже реалноста за здравството во Македонија. Додека нашите болници се во колапс државата купува 1.500 машини за коцкање.
#коперација
