Дијаспората од Австралија уште еднаш ја покажа својата хуманост: За неполни 48 часа собрани над 7.500 долари за семејството Јованови од Велес

Пред неколку дена Телевизија 24 ја објави сторијата за условите во кои живее семејството Јованови од Велес. По објавената сторија помош почна да пристигнува од сите страни.

Граѓани, граѓански организации, Министерството за труд и социјална политика, естрадни уметници веднаш започнаа да помагаат. Јордан и неговата мајка Анѓа деновиве имааат голем број посетители кои им носат помош.

Доказ дека нашиот народ е великодушен и со хумано срце е и иницијативата за собирање средства на Фејсбук. Таа иницијатива ја започна велешанецот кој живее во Австралија, Ордан Наумов.

Првичната цел била да се соберат 500 долари за неколку кубици огревно дрво и храна. Но, по неполни 48 часа собрани се над 7.500 долари.

Со средствата се планира да се купи покуќнина за Јордан и Анѓа и да им се овозможи да имаат еден нормален живот каков што заслужува секој човек.

 

ОСТАВИ КОМЕНТАР

Please enter your comment!
Please enter your name here