7.6 C
Ohrid
сабота, ноември 28, 2020
Почетна Македонија Владата пресече: Поради загадувањето службените возила ќе се возат 50% помалку

Владата пресече: Поради загадувањето службените возила ќе се возат 50% помалку

Translate (Eng):[gtranslate]

По надминувањето на дозволениот праг од 175 милиграми во еден метар кубен на ПМ10 – честички Владата ги активира мерките и препораките со цел да се намали загадувањето на воздухот. Мерките ќе се применуваат во Скопје и во Тетово.

Министерствата за животна средина и за здравство ќе им препорачат на работодавците да ги ослободат од работни обврски бремените жени, лицата постари од 60 години, како и лицата со хронична астма, прележан миокарден инфаркт или мозочен удар, без разлика на возраста, со препорака на матичен лекар. На работодавците им се препорачува и да го реорганизираат работното време и лицата кои работат на отворено да работат од 11:00 до 17:00 часот, да не се организираат спортски натпревари и други културни манифестации на отворено. Се бара и да се обезбедат услови за зголемени активности на службите за итна медицинска помош, домашна посета и патронажна служба.

Влада ги задолжи државните органи и општините да ја намалат употребата на службените возила до 50 проценти, да се обезбедат прифатилишта за сместување на бездомници.

РЕКЛАМА

Државниот инспекторат за животна средина е задолжен да врши почеста контрола на инсталациите кои што поседуваат А – ИСКЗ дозвола и на кои им се препорачува да го намалат производството до 50 проценти.

Градежните компании имаат обврска да користат вода за намалување на прашината при градежни активност и градежните машини (багери, булдожери, виљушкари) да се пренесат до градилиштата до 7:30 часот наутро.

извор: скопско ехо

- Реклами -