Ќерката и внукот од брат на македонскиот конзул во Италија, Стојан Витанов, се двајцата загинати во стравотната сообраќајна несреќа што утринава се случи во Пјаченца, Италија.
Станува збор за двајцата братучеди, Марија (25) и Методи Витанов (26) кои утринава со автомобил марка „Клио“ удриле во дрво. Автомобилот веднаш се запалил, двајцата братучеди останале заглавени во возилото, а залудни биле и напорите на противпожарните екипи и на полицијата да ги спасат.
Младата девојка, како што пренесуваат италијанските медиуми, била во посета на Италија во посета на роднини. Таа вечерта била излезена со својот братучед, кога се случила несреќата.
РЕКЛАМА
