4 C
Ohrid
понеделник, ноември 30, 2020
Почетна Македонија За неполни 24 часа, МВР го уапси лицето кое пукаше во полицаец....

За неполни 24 часа, МВР го уапси лицето кое пукаше во полицаец. (ВИДЕО)

Translate (Eng):[gtranslate]

Неполни 24 часа траеше потрагата по напаѓачот на полицаецот од Велес. Полицијата утрово околу 10 часот го уапси 31 годишниот Ѓохан Кантуров, кој вчера, на гробиштата на црквата Свети Спас во Велес, со три куршуми го рани 46 годишниот полицаец.

Телевизија 24 дознава дека Кантуров се криел во својата куќа на месноста Рамина и сам се предал, откако полицијата по телефон преговарала преку неговиот брат, кој исто така учествувал во нападот и е уапсен уште вчера. Сепак, од МВР официјални детали од апсењето не соопштуваат.

Со детален опис на настанот денеска излезе и јавното обвинителство. Оттаму велат дека двајцата полицајци во цивилна облека вршеле работни задачи за да ги откријат сторителите на се почестите кражби на чанти и паричници од луѓе кои ги посетувале гробиштата. Во еден момент тројцата браќа Кантурови и едно дете физички ги нападнале полицајците. Сега повредениот го турнале на земја, а неговата колешка ја онеспособиле со неколку удари. Додека детето ја задржувало полицајката да не стане од земја, еден од осомничените му го одзел пиштолот на полицаецот и додека тој бил на земја испукал три куршуми во него. Пиштолот се закочил, па полицаецот успеал да стане и да побегне, а напаѓачот почнал да го брка испукувајќи уште еден куршум, по што побегнал.

РЕКЛАМА

Ѓохан Кантуров од поодамна и е познат на полицијата како сторител на кривични дела, а бил осудуван и на затворски казни. За Независниот полициски синдикат, нападот врз полицаецот е напад врз државата. Оттаму бараат обвинителството и надлежниот суд да ја променат досегашната пракса на неказнување и пуштање на слобода на извршителите на кривични дела над полициски службеници и тие да се соочат со најстроги казни.

- Реклами -