9.5 C
Ohrid
сабота, февруари 24, 2024
ПочетнаМакедонијаМинистерот за внатрешни работи Наќе Чулев демантираше дека полициските службеници се...

Министерот за внатрешни работи Наќе Чулев демантираше дека полициските службеници се дел од неговиот тим

Министерот за внатрешни работи Наќе Чулев вечерва демантираше дека полициските службеници, кои се на распит во Основното јавно обвинителство за гонење на организиран криминал и корупција се дел од неговиот тим.

-Во врска со пишувањата во медиумите за наводни апсења на лица кои се дел од мојот тим, би сакал да ја информирам јавноста дека најостро ги демантираме овие наводи. Имено, станува збор за преземање службени дејства по наредба на судија за претходна постапка за лица кои се вработени во Министерството за внатрешни работи и истите се распоредени на соодветни работни места со решенија од претходните министри и никако не се поврзани со мојот тим или пак мојот кабинет. Лицата немаат добиено какви било решенија од моја страна, нагласува Чулев, кој откако случајот излезе во медиумите до јавноста се обрати преку својот Фејсбук профил.

-Во таа насока во целост ги демантирам наводите објавени во медиумите кои се креирани од луѓе кои сакаат да застанат на патот на правдата. Уште еднаш напоменувам дека изнесените наводи во медиумите се лага и конструкција смислена од претходното раководство на министерството за внатрешни работи. Овие лажни вести се пласираат за да се нанесе штета на моето работење и на моите соработници, додава Чулев.

Според неговите информации, како што наведува тој во постот, „во наредниот период се очекува покрај вакво изнесување на невистини да се преземаат и други слични активности кои се резултат на спрегата помеѓу параполициски, судски и обвинителски структури, блиски до СДСМ и подземјето со цел попречување на истрагите кои се во тек, а се однесуваат на криминалните дејствија поврзани со претходната структура”.

Напомена дека никој нема да го поколеба или исплаши во неговата посветеност за бескомпромисна борба против организираниот криминал и корупцијата.

Полициски служебеници се повикани во Основното јавно обвинителство за гонење на организиран криминал и корупција за да дадат исказ за постака, која е во тек, потврдија претходно за МИА од Обвинителството.

Одземени им се мобилните телефони, а полициските службеници се пред надлежен јавен обвинител, велат од Обвинителствот и додаваат дека во моментов не можат да изнесат повеќе детали.

Дел од медиумите објавија дека се спроведуваат апсења за високи високи полициски службеници од тимот на министерот за внатрешни работи Наќе Чулев поради оддавање на службени тајни, документи, снимки од ПИ мерки и нивно објавување по портали.

spot_img
spot_img
ПОВРЗАНИ СТАТИИ

Најпопуларни

Повеќе постови

Џафери “упадна” во СВР Тетово, па ги искара вработените: Колку луѓе тука работите во оваа канцеларија ?!?!?!

Во улога на инспектор, техничкиот премиер, Талат Џафери беше во посета на СВР Тетово. Тој во една канцеларија затекна куп луѓе, а на прашање...

Сашко Коцев: Ајде сите пред МВР да играме оро и да не сликаат групно за пасош, исто како на свадба !!!

На „Златна бубамара“ се врати Сашко Коцев, откако лани не го водеше шоуто поради претходно договорени обврски. Коцев не беше официјален водител, туку неговите...

Пасоши ќе има за сите: Дочек на обрасците за пасоши на „Богородица“

Дочек на обрасците за пасоши на „Богородица“ Дополнителниот заменик министер за внатрешни работи Митко Бојмацалиев на Граничниот премин Богородица, синоќа ги пречека новите 140.000 обрасци...

Кристина Шикова поминува обука за водач на службено куче, што ја прави првата жена во Македонија која ќе биде официјално именувана како водач на...

Кристина Шикова поминува обука за водач на службено куче, што ја прави првата жена во Македонија која ќе биде официјално именувана како водач на...