Благоја Спиркоски Џумерко е роден на 6 Февруари 1946 година во Прилеп од татко Киро и мајка Марија.
Бил член на Народниот театар во Прилеп од 1966 година се до неговото пензионирање.
По долго боледување се упокои во Господа на 11 Јуни, 2015 година во Прилеп.
Никогаш да не го заборавиме човекот кој го олицетвори итроманецот Пејо! Човекот кој секогаш знаеше да не насмее од срце! Неговиот дух на сцената секогаш го претставуваше обичниот, доблесен Македонец! Со добрата мисла, мрсниот јазик, думите од нашите прадедовци и уникатниот изглед (бркови и мевот) од вечноста ни го доближуваше едноставниот, обичниот Македонски човек кој при животот го краселе и убавините и фаленките!
Секогаш кога говориме за ликот на Итар Пејо од приказните, прво што ни доаѓа на памет е овој човек! Благоја Спиркоски Џумерко, легенда за цела Македонија, а најдобро го познаваа прилепчани! Македонија изродила многу незаборавни ликови кои го одбележале векот а под актерското небо меѓу Ѓорѓи Колозов, Петре Прличко, Дади, Ванчо Петрушевски е и легендарниот лик на Благоја Спирковски Џумерко! Неговото име засекогаш ќе остане Пејо, а неговиот ведар и шегобиски дух засекогаш ќе останат впишани во колективната меморија на Македонците! Историја!
Фотографија: Д-р Владимир Плавевски.
Текст: Горан Марковски.
