Марија Витанова од Струмица, ќерка на македонскиот конзул во Италија, Стојан Витанов, која загина во сообраќајна несреќа во Пјаченца на 2 февруари, заедно со нејзиниот братучед, Методиј Витанов, утре ќе биде испратена до вечното почивалиште на Градските гробишта во Струмица.
Погребот на 25-годишната Марија ќе биде во 14:00 часот, а претходно од 12:00 до 14:00 посмртните останки ќе бидат изложени во Градската капела во Струмица.
Според пишувањата на италијанските медиуми, Методиј Витанов (26), на 2 февруари во раните утрински часови, управувајќи автомобил „Рено Клио“ удрил во дрво и веднаш се запалил, па кога пристигнале спасувачите екипи веќе било доцна за двајцата. Медиумите пренесоа дека станува збор за кобно место на кое за десет дена се случиле три сообраќајни несреќи со фатални последици.
Текстот е првземен од Струмица нет https://www.strumicanet.com
