Пчелата на златната маска од Требеништа од 6 век п.н.е.
На една од двете маски од Требеништа, пронајдени од бугарските војници во Првата Светска Војна (1918г.) кои денес се чуваат во Софија, на челото, над носот е издлабена фигура на пчела (која се сметала за симбол на високото благородништво).
Други две маски од истиот локалитет пронајдени подоцна (во 30-те години), се однесени и се чуваат во Белград.
Според податоците од 1873 година, селото имало 24 домаќинства со 87 жители христијани (Македонци) и 70 муслимани Според податоците на Васил К’нчов од 1900 година, селото имало 310 жители христијани (Македонци)
Селото Требеништа се наоѓа во областа Охридско Поле, на 13 километри од Охрид и 13 километри од Струга. Атарот на селото Требеништа граничи со атарите на следните села: Волино и Мислешево, Мешеишта, Горенци и Горно Лакочереј. Поедини места во атарот на селото ги носат следните имиња: Алистрата, Власејнца, Црквиште, Бароец, Габер, Павлејца, Прдејца, Варвара, Градиште, Глаесец, Маркоа стапалка, Бела вода, Веље поле, Под лозје, Калино, Пропас, Кобилиште, Бранејнца, Волниште, Урека и Долни лозје. Требениште е со куќи од збиен тип, и се дели на Горна, Средна и Долна маала.
