На малкумина во Македонија им е познат фактот дека нашиот музичар,
струмичанецот Џамбо Агушев пред неколку години работел на музиката за филмот
„Окја“ на јужнокрејскиот режисер Бонг Џун Хо, авторот на филмот „Паразит“, кој
стана првиот странски филм која го доби престижниот Оскар за филм на годината.
Паразит освои уште три Оскари, во категоријата интернационален филм, каде го
победи нашиот “Медена земја“, за оргинално сценарио и режија.
Во филмот „Окја“ често можете да ги слушнете звуците на трубата на Агушев.
“Чувството да бидеш дел од филм надвор од државата е неверојатно и сон за секој
музичар. Филмот беше презентиран во Кан – Франција и присутните беа задоволни,
судејќи по аплаузот. Тоа е гордост за мене и мојот оркестар “Џамбо Агушеви“, но и за
Македонија што ја презентираме на највисоко можно ниво. Се надевам дека државата
ќе се сети на нас, барем да ни се заблагодари за ваквиот успех“, напиша тогаш Џамбо
на својот Фејсбук профил.
Фото/видео: Фејсбук/Агушев
