СТИВ Томпсон, фраерот што освои на лотарија 105 милиони фунти пред скоро една година и во таа прилика рече дека ќе продолжи да работи, па заврши повторно во медиумите поради неговите прекрасни гестови…
Стив и неговата сопруга Ленка кога ја зедоа наградата рекоа дека не планираат да ја напуштат работата иако нивната сметка е подебела 105 милиони фунти, а Стив не наплати неколку работи деновиве кој ги заврши како градежен работник во соседството.
Британските медиуми објавија дека Томпсон одбил да ја наплати работата што ја направил овој месец а една од нив била во куќата на неговиот сосед. Тој, наводно, рекол дека парите што требало да ги потрошат за градежни работи, да ги потрошат за себе за Божиќ.
Анонимна жена им кажа на новинарите дека Томпсон е приземен човек. „Не го прашуваме за добивката затоа што тој веројатно зборувал многу за тоа. Мислам дека е убаво што тој сè уште работи затоа што не мора да размислува што да прави со парите“, рече таа, додавајќи дека Стив сè уште го користел своето старо комбе за работа и дека тој веројатно ќе престане да работи како градежен работник кога ќе ја заврши целата работа што ја започна оваа година.
