16.6 C
Ohrid
вторник, септември 22, 2020
Почетна Македонија Маж варел кафе па си го запалил станот во Скопје.

Маж варел кафе па си го запалил станот во Скопје.

Translate (Eng):[gtranslate]

Пет лица се извелечени од станот во кој избувна пожар денеска во Ново Лисиче,, објави „А1он“. Како што информира порталот, меѓу извлечените имало и една неподвижна жена и маж, кој од стресот не можел да оди па го симнувале во количка. Неподвижната жена со Брза помош била пренесена во болница.

Пожарот е изгаснат, а преизвикана е само материјална штета.

Командантот на скопската противпожарна бригада, Владимир Симоновски, вели дека една екипа пожарникари го гасела пожарот, а друга ги извлекувала луѓето од станот. Симоновски вели дека огнот се раширил од плинска боца на која вареле кафе.

РЕКЛАМА

„Мажот варел кафе на плинска боца. Се потпалил чаршафот и од таму огнот се раширил насекаде. Во соседната соба беше неподвижната жена, живее на дијализа, со апарати приврзани за неа. Ја извлековме, докторите ја прегледаа и утврдија дека ѝ треба дополнителна помош. И мажот се пожали дека не може да оди, рече дека не му функционираат нозете поради стресот. Тој е подвижен, прво го изнесовме на балконот, а потоа го симнавме во количка. Во станот имаше петмина“, изјави за „А1он“ командантот Симоновски.

И покрај препораките во случај на пожар да не се користи лифт, станарка од зградата тргнала да излегува и се заглавила во лифтот па пожарникарите и неа ја спасувале

- Реклами -