6 C
Ohrid
понеделник, ноември 23, 2020
Почетна Македонија Филипче – Да не се крева паника, спремни сме со сите капацитети...

Филипче – Да не се крева паника, спремни сме со сите капацитети да се бориме против Корона вирусот

Translate (Eng):[gtranslate]

Министерот за здравство Венко Филипче денеска повика јавноста да не наседнува на лажни вести и да не се крева паника без потреба. Здравствениот систем, како што рече,  е подготвен и спремни се сите капацитети на Клиниката за инфективни болести и на трите инфективни одделенија во Штип, Велес и Гостивар.

 

 

РЕКЛАМА

Филипче апелираше патниците кои доаѓаат од критичните региони да се придржуваат до препораките во упатството, односно доколку почувствуваат некои од симптомите, да не шетаат по здравствените установи, туку да се јават на телефонските броеви на Институтот за јавно здравје.

 

„Со цел да не шетаат по здравствените институции, тие патници кои во моментот немаат никакви симптоми, а може да се во инкубациски период и кај кои евентуално по неколку дена се јават симптоми, да се јават на еден од телефонските броеви на локалните центри за јавно здравје и на Институтот за јавно здравје за да може тим соодветно опремен да ги посети во нивните домови“, рече Филипче.

Тој додаде дека има сосема доволна количина на потребен материјал, односно оти располагаат со околу 40 илјади маски и 10-тина илјади мантили и скафандери, но оти се подготвува и набавка на дополнителен број.

Филипче уште еднаш апелираше да не се патува во критичните региони без итна потреба, а на денешната седница на Влада ќе се разговара за откажување на сите планирани патувања во Европа организирани од страна на државните институции.

- Реклами -