Замислете секоја ваша фотографија да оживее, исто како фотографиите од Хари Потер.
Тоа е новата реалност која „Фејсбук“ сака да ја понуди со воведувањето на новата алатка преку која 3D фотографиите се достапни за сите. Ваквата опција „Фејзбук“ ја воведе во 2018 година, но таа беше доста ограничкувачка, имајќи предвид дека сите фотографии мораа претходно да бидат фотографирани со опцијата “портрет подесување“.
Поддршката за 3D фотографии стана достапна на „Фејсбук“, откако смарт-телефоните со двојни леќи ја популаризираа алатката „портрет подесување“, со која предниот објект во фотографијата е фокусиран, додека позадината е уметнички замаглена. Меѓутоа, отсега „Фејсбук“ самостојно ќе ги употребува податоците во фотографијата за да креира објава во која позадината изгледа како да се движи.
Прочитајте го оригиналното соопштение на „Фејзбук“ за воведување на новата опција.
„Фејсбук“ во своето соопштение ги известува корисниците дека фотографиите со “портрет подесување“ веќе не се потребни. Со помош на АИ, старите и здодевни 2D фотографии ќе може да се приклучат на 3D „треската“. Секоја слика која што ја имате објавено, без разлика колку е стара, ќе може да се обработи преку „Фејсбук“ 3D алатката.
„Системот ја аплицира 3D структурата на секоја фотографија, без разлика дали станува за нова слика фотографирана со обична камера од „Андроид“ или „Иос“, или пак фотографија стара неколку декади која во брзо време сте ја прикачиле на телефон или лаптоп“, пишува во Фејсбук соопштението.
Во своето соопштение, „Фејзбук“ детално објаснува како функционира новиот процес, нудејќи неколку примери за читателите. Објаснето накратко, „Фејсбук“ ја анализира фотографијата и преку поддржани претпоставки ја погодува длабочината на секој пиксел, нешто што претходно беше покриено од користењето на опцијата “портрет подесување“
Единствената замка е тоа што за новата алатка потребен е Андроид со среден или висок квалитет или минимум Ајфон 7. За некои пак, проблем може да биде тоа што алатката функционира само на „Фејсбук“.
Извор: Mashable
