18.9 C
Ohrid
вторник, мај 28, 2024
ПочетнаМакедонијаЗаев: Влеговме во НАТО, а вратата за ЕУ само што не...

Заев: Влеговме во НАТО, а вратата за ЕУ само што не се отворила , донесовме милијарди во странски инвестиции и рекордна невработеност

Влеговме во НАТО – можеме и во ЕУ, изјави претседателот на СДСМ, Зоран Заев, коментирајќи дека освен што НАТО значи безбедност и стабилност, носи и повеќе пари за граѓаните.

Само по добивањето на поканата за членство за НАТО во 2018 година, рече Заев, странските инвестиции достигнаа рекорден износ зголемен над 300 отсто во споредба со оној од 2017 година. Невработеноста денес е на рекордни најниски 17 отсто, а платите растат буквално во сите сектори.

 

„Веќе од оваа година се отвора пазар вреден 4 милијарди евра годишно за нашите компании преку нашето членство во НАТО. Агенциите на НАТО за услуги, набавки, информатика и комуникации стануваат достапни за сите македонски компании да конкурираат и да ги пласираат нашите домашни производи. Го повикувам бизнис-секторот да биде наш активен партнер и да ги искористи максимално економските придобивки што произлегуваат од членството“, нагласи Заев.

 

Како што додаде, денес сме чекор поблиску до преговорите со Унијата и отворање на првите поглавја. Последениот доказ за тоа, вели Заев, е вчерашниот извештај на Европската комисија.

 

„Извештајот нотира значаен напредок во сите области: во правосудството, во борбата против корупцијата, во реформата на безбедносните служби и реформата на јавната администрација. Тоа е потврда, тоа е печат за успешните реформи што ги остваривме со многу работа и во тешки услови, тоа се успеси на граѓаните, на државата, на Владата, на парламентот и на институциите“, додаде Заев.

 

Првиот човек на СДСМ порача дека на ред е ЕУ да ја исправи грешката и да почне преговори за членство. Со добра стратегија и цел, Заев очекува до 2024 година да бидат отворени 80 проценти од поглавјата за ЕУ.

 

„Ние, за 6 години, успешно ќе ги завршиме преговорите со Европската Унија. Со вакво ВМРО-ДПМНЕ преговорите би траеле 60 години и никогаш не би завршиле“, додаде Заев.

 

Отворањето на преговорите, смета Заев, ќе значи трансформација на целото општество, но и пристап до нови фондови, до повеќе пари за зелена агенда, за енергија, конкурентност, капитални инвестиции, земјоделство, канализација, патишта, водовод, повеќе работни места, повисоки плати за работниците, повеќе профитабилни домашни компании.

 

„Од европските фондови обезбедуваме 2 милијарди евра за Северна Македонија во годините што претстојат пред нас. Само во последните месеци добивме грант неповратни средства од 13 милиони евра за интерконекторот за гас помеѓу нашата земја и Република Грција, долг 68 километри, 5 милиони евра добивме неповратни средства за граничниот премин, за железничкиот премин и патот околу граничниот премин Табановце, 28 милиони евра добивме грант неповратни средства од ЕУ за патот Скопје – Блаце, плус 50 милиони евра добивме награда за успешно спроведени реформи и 17 милиони евра за развој на регионот Преспа. Тоа се европски пари за европски стандард дома. Бизнис-секторот ќе може да ги искористи максимално економските придобивки што произлегуваат од членството во НАТО и преговорите со ЕУ“, истакна Заев.

 

 

 

spot_imgspot_img
spot_img
spot_img
ПОВРЗАНИ СТАТИИ

Најпопуларни

Повеќе постови

Нападнат градоначалникот на Шуто Оризари

Како што информира денеска МВР, според пријавата, околу 15.30 часот во просториите на општина Шуто Оризари З.И. агресивно се однесувал и го нападнал К.Д.(49)...

Африм Гаши избран за претседател на Собранието на Македонија

Со 76 ласа за и 6 против, Африм Гаши е избран за претседател на Собранието на Македонија. Против гласаа само пратениците од Левица.

Силјановска Давкова: На венецот сакав да пишува РС Македонија, но немаше место

Претседателката Гордана Силјановска Давкова објасни зошто на венецот што го положи на гробот на сесловенските просветители, браќата Кирил и Методија во Рим, не го...

Змија во мензата во студентскиот дом „Стив Наумов“

Директорот на Државниот студентски дом Скопје (ДСД Скопје), Виктор Велевски за Мета.мк потврди дека змијата влегла во студентската менза и дека институцијата е запознаена...