21 C
Ohrid
недела, септември 20, 2020
Почетна Свет Претседателот на Венецуела, Николас Мадуро бара жените во Венецуела да раѓаат по...

Претседателот на Венецуела, Николас Мадуро бара жените во Венецуела да раѓаат по 6 деца

Translate (Eng):[gtranslate]

Претседателот на Венецуела, Николас Мадуро, им порача на жените дека би требало да имаат по 6 деца за доброто на државата, пренесува BBC.

Гостувајќи во ТВ-емисија, каде го промовираше планот за државниот здравствен систем за жените, Мадуро истакна дека жените треба да раѓаат повеќе деца.

„Бог ве благословува кога дарувате живот. Секоја жена би требало да роди по 6 деца за доброто на државата“, вели Мадуро.

РЕКЛАМА

Венецуела се бори со голема економска криза што доведе до недостиг на храна и на медицински средства. Според податоците на УНИЦЕФ, од 2013 година до 2018 година дури 13% од децата во земјата се неухранети.

„Болниците не функционираат, нема доволно вакцини, мајките не можат да дојат бидејќи се неухранети, ниту да купат млеко во прав бидејќи е скапо, а земјата се соочува со миграции“, вели Мануела Боливар, опозициска пратеничка.

Среде економска криза, една добротворна организација во 2018 година наведе дека бројот на напуштени бебиња, оставени на улица или во јавни згради е пораснат за 70%.

- Реклами -