Во Италија во изминатите 24 часа од коронавирус починаа 168 лица, најмногу досега. Со ова, вкупниот број на починати како последица на опасниот вирус се искачи на 631, објави Агенцијата за цивилна заштита.
Вчера бројот на мртви порасна на 97, додека од Агенцијата во неделта објавија дека починале 133 лица.
Исто така, во изминатите 24 часа бројот на заразени се искачи на вкупно 10,149, додека еден ден претходно беше 9,172. Тоа значи дека бројот на заразени за само еден ден скокнал за нешто повеќе од 10%.
Италијанските власти соопштија дека од коронавирусот во земјата досега се опоравиле нешто повеќе од илјада луѓе, а 877 се на одделот за интензивна нега.
