Градоначалникот на Град Скопје, Петре Шилегов денеска на прес-конференција кажа дека е во план да ги отстрани галиите на Вардар и тоа оваа година. Денеска се создадоа условите и почна постапката за отстранување на првата галија од коритото на Вардар, вели градоначалникот Петре Шилегов, на денешната прес-конференција.
Градот Скопје во изминатиот период водеше сериозни правни постапки, со сериозна правна прецизност, за да се создадат услови за отстранување на првата галија од коритото на реката Вардар .
Условите се создадени и во рок од 30 дена корисникот на таа, таканаречена, урбана опрема е должен сам да ја отстрани. Во спротивно, тоа ќе го направи Градот на негов трошок, по истекот на овој рок, некаде по 10 април оваа година, вели Шилегов.
Шилегов исто така додаде дека сите анализи и студии што ги направивме укажуваат дека објектите од проектот Скопје 2014 кои што се наоѓаат внатре во коритото на Вардар – галиите, можат да донесат поплави.
