Kомисијата за заразни болести бара целосно да се забранат свадби, крштевки, семинари, кафаните и кафулињата да работат само до 18 часот, да се затворат игротеките, спортските сали, теретаните, кината и театрите.
Луѓето повеќе да внимаваат на високата хигиена, младите да не се собираат во големи групи и повеќе време да поминуваат дома. Комисијата бара вакви ригорозни марки од страв дека корона вирусот може драстично да се прошири и бројот на заболени да се дигне до небо.
„Разговаравме вчера со колеги од Италија и ни беше посочено дека во северниот дел ширењето на вирусот престанало со воведување на најригорозните мерки, што ни укажува дека треба да бидеме порадикални“ – изјави Венко Филипче, министер за здравство.
Кафаните и кафулињата ќе работат до шест попладне со преполовен капацитет, но ќе мора масите да ги поместат на растојание до 2 метри. Мерката важи и за обложувалниците и казината. Се разговарало и со МПЦ и ИВЗ и они да ги скратат своите активности каде би се собирале верниците.
