16 C
Ohrid
четврток, септември 24, 2020
Почетна Свет Во Франција затворени музејот „Лувр“, дворецот Версај и туристичката атракција Ајфеловата кула

Во Франција затворени музејот „Лувр“, дворецот Версај и туристичката атракција Ајфеловата кула

Translate (Eng):[gtranslate]

Културниот живот во Франција ќе замре деновиве по одлуката на Владата за забрана на собири со повеќе од 100 луѓе поради што музејот „Лувр“, дворецот Версај и туристичката атракција Ајфеловата кула, ќе ги затворат вратите за посетителите.

Францускиот премиер, Едуар Филип, изјави дека забраната за собири ќе стапи во сила веднаш за да се спречи ширењето на коронавирусот. Оваа забрана за собирање влијае на богатиот културен живот во Франција, особено на театрите, кината, други културни настани, но и на туристичките атракции.

Администрацијата на парискиот „Лувр“ најави дека музејот ќе биде затворен денеска. На оние што однапред купиле билет, ќе им бидат вратени средствата. Версај, кого го посетуваат десет милиони луѓе годишно, ја применува истата мерка. Замокот е затворен, но посетителите ќе може да ги видат градините и парковите.

РЕКЛАМА

Управата на Ајфеловата кула одлучи да го следи примерот и ќе биде затворена од 21 часот вечерва до понатамошно известување. Претставите, како и локалните културни фестивали, се откажани во цела Франција.

Францускиот претседател, Емануел Макрон, синоќа изјави дека првиот круг од локалните избори ќе се одржи в недела. Во Франција се заразени речиси 3.000 луѓе, а повеќе од 60 починале од вирусот.

makfax

- Реклами -