Во одредени подрачја или на цела територија е можно да се прогласи кризна ситуација.
За ова пред малку информираше шефот на државата кој кажа дека за во понеделник е закажана седница на Советот за безбедност.
На седницата, според кажаното од Пендаровски се повикани сите министри, како и министерот за здравство, Венко Филипче и началникот на Генералштабот.
Пендаровски од министерот за здравство ќе бара отчет што се е преземено досега во врска со ситуацијата во државата, односно за непознатиот вирус корона.
Доколку се влоши ситуацијата ќе се прогласи кризна состојба во одредени подрачја или на цела територија, а притоа армијата да помогне. Ако затреба, ќе се прогласи и вонредна состојба. Во понеделник ќе се разговара за сите овие теми, но сепак Советот за безбедност ќе ја донесе одлуката како надлежен-кажа Пендаровски.
Пендаровски смета дека во моментов нема потреба од вонредна состојба. Доколку дојде до тоа, Собранието, повторно ќе се состане.
Полициски час сепак, претседателот смета дека нема да се воведе, туку побара од граѓаните поголема одговорност.
Во однос на изборите, Пендаровски е скептичен дали може да се реализираат ефикасно во ваков амбиент.
