17.9 C
Ohrid
понеделник, април 15, 2024
ПочетнаМакедонијаСе уште не се знае дали во Македонија ќе има избори.

Се уште не се знае дали во Македонија ќе има избори.

Лидерите на СДСМ, ВМРО-ДПМНЕ и ДУИ денеска изјавија дека за нив е поважно здравјето на граѓаните од одржувањето на изборите. Се очекува деновиве да се одржи лидеркса средба кај претседателот Стево Пендаровски, по што ќе се донесе и официјална одлука.

Строго почитување на мерките и препораките за заштита од ширање на коронавирусот, а во таа насока и одложување на претстојните парламентарни избори закажани на 12 април побара претседателот на СДСМ Зоран Заев. Тој кажа дека партијата одлуката за одложување на изборите ја донесе синоќа, а предлогот ќе биде презентиран на денеска закажаната седница на Советот за национална безбедност.

„Во период кога Северна Македонија, регионот, Европа и светот се соочуваат со најголемиот здравствен предизвик во поновата светска историја, повеќе од јасно е дека условите не дозволуваат нормално спроведување на избори. Затоа, во име на СДСМ, повикувам да се организира лидерска средба на претседателите на политичките партии на која ќе се разговара за одложување на изборите. Сега не е време за политички противници. Сега имаме само еден противник – коронавирусот”, рече Заев.

Претседателот на ВМРО-ДПМНЕ Христијан Мицкоски преку Фејсбук најави дека ќе побара свикување лидерска средба кај претседателот Стево Пендаровски за одлагање на парламентарните избори.

„Сите препораки на релевантните домашни и светски организации се дека најдобар одговор за справување со вирусот е одбегнување на активности. Токму кога се предвидувањата за пикот на здравствената криза, во Македонија ќе треба да се одржат избори. Со вакви анализи и предвидувања изборите би значеле отворање на нови жаришта со коронавирус. Замислете ден на избори кога во една просторија каде има гласање илјадници избирачи ќе гласаат, ќе заокружат со пенкало, ќе имаат личен контакт со членовите на избирачкиот одбор. Во овие кризни моменти ова е ситуација кога човек одбира помеѓу личниот и интересот на државата и ова го велам од причина што сосема е извесно дека ВМРО-ДПМНЕ ќе победи на изборите со убедлива разлика, но воедно одржувањето на избори ќе значи и изложување на илјадници граѓани, поточно над еден милион луѓе под директен ризик за нивното здравје и ширење на корона вирусот“, напиша Мицкоски.

Лидерот на ДУИ Али Ахмети денеска преку соопштение најави дека партиски приоритет е јавното здравје и справување со коронавирусот, и оти би прифатиле одложување на изборите и кампањата.

Претходно и претседателот Пендаровски изјави дека е за одложување на изборите.

Денеска со соопштение се јавија и партиите Глас за Македонија, ТМРО и коалицијата Никогаш северна, секогаш Македонија“. Сите се согласни дека изборите треба да се одложат.

мкд

spot_img
spot_img
ПОВРЗАНИ СТАТИИ

Најпопуларни

Повеќе постови

Влада: 24 април и 8 мај се неработни денови, се препорачува и приватниот сектор да не работи

Деновите кога ќе се одржат изборите за претседател на Македонија и за пратеници во Собранието се прогласени за неработни денови за сите граѓани на...

Пецаков уште еднаш им одговори на сите што сакаат да го оцрнат предизборно !

🗣Со оглед на тоа дека бев прозван од некои иницијативи и медиуми во врска со изградба на хотел во месноста Горица, а во интерес...

Голема акција во Идризово: Уапсени 17 затворски полицајци, веќе се однесени во Суд

Во голема акција во затворот Идризово утрово, уапсени се 17 припадници на затворската полиција, кои веќе се во Суд. Акцијата ја води Обвинителството за организиран...

О2: Мијалкови започнаа да градат луксузен хотел во Охрид, уништена шума стара 70 години

Во Охрид, над Горица 3 започнува градба на хотел, а за таа цел е унишена стара шума над 70 години која ја засадиле жители...