Венко Филипче: Погребите да се вршат само во најблискиот круг од семејството, и за скоро време можно е и да се забрани одење масовно во верските објекти.

Министерот за здравство Венко Филипче апелираше до сите граѓани погребите да се прават во најтесниот круг на семејствата во периодов на ширење на коронавирусот.

„ Апелите важат за сите. Пораките важат за сите. Никој не смее ни да помисли да ги прекрши овие препораки. Секој кој ќе ги прекрши ќе биде санкциониран. Тоа се сериозни прекршоци. Никој не смее да си дозволи да го загрози јавното здравје. Ја разбирам емотивната состојба во случаи на погреби, ама може овој период погребите да се прават во најтесното семејство. Нека останат тие собирања за понатаму. Ако продолжат и верските собирања, јас ќе побарам од Владата соодветен начин стриктно да се забранат“, рече министерот.

SDK.MK