7 C
Ohrid
понеделник, ноември 30, 2020
Почетна Македонија Венко Филипче: Во Дебар нема ни еден распиратор, но имаме амбулантно возило...

Венко Филипче: Во Дебар нема ни еден распиратор, но имаме амбулантно возило доколку се искомплицира нешто.

Translate (Eng):[gtranslate]

Вонредната ситуација во Дебар со коронавирусот ги извади на виделина недостатоците во здравството. Болницата во Дебар нема ниту еден респиратор. Директорот на болницата, Баки Алили вели дека доставиле барање до Министерството за здравство за респиратор.

„Ние како мала институција не поседуваме респираторни апарати. Но, неопходни ни се доколку евентуално имаме нивна потребам и затоа мораме да доставиме барање Министерството за здравство да ни излезе на помош.“, изјави Алили.

За барањето на градоначалникот на Дебар зборуваше и Агрон Буџаку, директор на Центарот за управување со кризи. Тој рече дека и тој доставил барање до МЗ за два респиратора да бидат испратени во Дебар.

РЕКЛАМА

„Неговото барање беше поради тоа што може да дојде до влошување на состојбата на пациентите со корона вирус, и во тој случај има потреба за респиратори кои можат да спасуваат животи. Барањето за два респиратори денеска го доставив до надлежното министерство и ќе видиме што ќе преземе утре Министерството.“, изјави Буџаку.

Министерот за здравство, Венко Филипче, рече дека нема потреба во Дебар да се испратат респиратори, бидејќи таму нема специјалисти од таа област и доколку е потребно, амбулантните возила се подготвени за да ги пренесат пациентите во скопската клиника.

Инаку, Агрон Буџаку од Центарот за управување со кризи, рече дека сите барања кои доаѓаат од Дебар ќе бидат разгледани и ќе се преземаат мерки со цел да им се излезе на помош на дебарчани.

тв21

- Реклами -