Бројот на заболени од КОВИД 19 се зголеми на 70. Жената од Дебар која е меѓу првите забоолени се наоѓа во критична состојба на инфективната клиника,и ставена е веќе подолго време на респираторна машина. Сите останати пациенти се во добра состојба а некои од нив одбираат да ја поминат болеста дома за што лекарите имаат направено посебен алгоритам.–изјави на денешната прес конференција Министерот за Здравство Венко Филипче.
Бабата на 4 годишното девојче од Штип за кое вчера беше утврдено дека било заболено од Ковид 19 е заразена со вирусот. Ќе се испитува и дали ова семјство ги почитувало мерките на владата и тоа како дошло до проширувањето на вирусот.
,,Очекувавме бројот да расте“ –изјави Филипче и кажа дека до сега се направени 888 тестирања а уште 1400 се на располагање од кои 300 можат да се употребат во секој момент. Во Скопје ќе профункционираат уште два пункта за пријавување и земање брис за тестирање од Ковид-19, тоа се поликлиниките во „Јане Сандански“ и „Чаир“ а ќе се закажува преку бројот за ,,Мој термин“.
Филипче уште еднаш ја нагласи потребата од заострување на мерките за кои повеќе ќе се дискутира на попладневната владина седница. „Самоизолацијата е спасот во оваа битка“, тврди Филипче.
Вонредната состојба прогласена од претседателот ни дава одврзани раце да бараме мерки со кои ќе се зајакнат механизмите за контрола особено таму каде што не функцинираат работите. И уште денеска ќе дискутираме за можностите.
Бројката за 12 денови се зголеми за 100 000 заболени, а три месеци беа потебни за првите 100 000 заболени. Последните 24 часа бројот е зголемен за 16 000 пациенти, говорат последните податоци на светската здравствена организација.
