Неколку дена под карантин е одделот за трансфузиологија, сместен во кругот на охридската општа болница, а сите вработени се во самоизолација. Станува збор за неколку вработени, лекари и друг медицински персонал, дознава „Алсат“.
Според порталот причина за ова е што прво заразениот од корона вирус во Охрид,поминал низ ова одделение,односно му биле земени анализи од крв.
Поради неработењето на оделението за трансфузија во Охрид, сите итни случаи за анализи за крв се препраќаат во Центарот за дијализа во Струга. Неофицијално одделот не работи од петокот.
Од Центарот за јавно здравје во Охрид не кажале за колку точно луѓе вработени станува збор. Само рекле дека кога ќе им помине времето за самоизолација ќе биде утврдено дали ќе биде потребно да им се направат дополнителни проверки и анализи.
Во охридско – струшкиот регион 549 лица се во самоизолација. Од нив 149 се во Охрид,а 137 во Струга. Кичево-99 и Дебар-164.
