8.9 C
Ohrid
сабота, април 20, 2024
ПочетнаМакедонијаАмир од Дебар: Коронавирусот нема вера, ни нација, но ја има силата...

Амир од Дебар: Коронавирусот нема вера, ни нација, но ја има силата да сплотува

Застани… Застани зашто и светот застана и размисли што е она што најмногу вреди и она за кое најмногу вреди да се живее, врати се кон базичните и исконските човекови потреби, научи повторно да сакаш и да бидеш сакан, да љубиш и да те љубат…, порачува психологот м-р Адмир Б. Косоврасти за веб порталот Деца.мк.  Тој сега е во Дебар, град во кој е прогласена кризна состојба.

Ти се обраќам тебе, токму ти си тој што имаше многу обврски, што не можеше да постигнеш сè, што ти беа малку 24 часа, што светот и животот ти беа многу динамични и брзи, што немаше време да се видиш самиот себе, да ѕирнеш во својата внатрешност, да бидеш во контакт со себе, со твоите најблиски, што секојдневието те сомлело во трката за достигнување и престиж, давајќи му го твоето време на светот…

Е па ете светот сега забави, застана и не се движи, паднаа и големите светски сили, врати се, застани, преиспитај се кој си, што си и што сакаш, види што сега ти е најбитно и што во моментов ти е приоритет, земи ги оние 3-4 книги што си ги купил одамна, а си се правдал дека немаш време да ги прочиташ, прочитај ги сите оние текстови што си ги меморирал во нотесот, а си немал време да ги читаш зошто си бил презафатен, изиграј и биди присутен со децата и твоите најблиски бидејќи те јадеше грижата на совест зошто не си им давал доволно време, јави им се на твоите баба и дедо, вујко и чичко на твојата тетка, слушни ги…

Застани! Застани зашто и светот застана, и размисли што е она што најмногу вреди и она за кое најмногу вреди да се живее, врати се кон базичните и исконските човекови потреби, научи повторно да сакаш и да бидеш сакан, да љубиш и да те љубат…

Застани за да можат другите да те стигнат и да те видат! Коронавирусот нема вера, ниту пак нација, но ги има силата и моќта да сплотува и да обединува, сила која ние му ја дадовме.

Требаше да дојде и да нè потсети што сè имаме, а не гледавме и не се радувавме, и не се почитувавме доволно како човечки битија, ни покажа што е битно, ни покажа како да се соединиме и сакаме повеќе, ни покажа, ах, само колку бевме залутале?

Карантинот не е казна, туку е начин повторно да почнеме да живееме, но овој пат поумно и помудро. Со целата свесност за убавините што ги поседуваме и на кои сега им се радуваме, а бевме ги заборавиле.

Бидете разумни, сето ова ќе помине, правете работи со своите најблиски и надоместете за целото пропуштено време. И запомнете дека животот, вербата и љубовта се најбитни, сè друго е споредно и небитно.

Извор: Деца.мк.

spot_img
spot_img
ПОВРЗАНИ СТАТИИ

Најпопуларни

Повеќе постови

Маричиќ до тетка Верица: Како ќе растат внуците, така и пензиите ќе растат !!

Меѓународниот секретар на СДСМ и кандидат за пратеник, Бојан Маричиќ, оствари средба со граѓаните пензионери од Изборната единици 1, каде што тој е дел...

Повторно го згрешивме знамето: Македонската армија и се заблагодари на Норвешка со знаме на Исланд

Македонската армија преку Фејсбук и се заблагодари на Норвешка, но го згреши знамето, па го искористи тоа на Исланд. „Моторните возила од Кралството Норвешка веќе...

Рибар во албанскиот дел на Охридското Езеро улови коран тежок 13,2 килограми

Рибарот Ylli Jaçellari во албанскиот дел на Охридското Езеро успеа да улови пастрмка – коран тежок 13,2 килограми. Тој е 45-годишен лиценциран риболовец од Уденишт,...

Боки 13 тврди дека Камчев и Русковска знаат каде е милионот од Луи Витон торбата од „Рекет“

Бојан Јовановски во јавноста познат како Боки 13 денес на прес-конференција пред Основниот кривичен суд Скопје рече дека бара фер, а не хистерична и...