14.1 C
Ohrid
понеделник, септември 21, 2020
Почетна Македонија Македонија ќе добие 70 милиони евра за справување со коронавирусот од ЕУ.

Македонија ќе добие 70 милиони евра за справување со коронавирусот од ЕУ.

Translate (Eng):[gtranslate]

Вицепремиерот Бујар Османи вечерва во „Eu Click“ на ТВ21 најави дека Европската унија ќе и помогне на нашата држава во справувањето со коронавирусот и штетите кои подоцна ќе треба да бидат санирани.

Османи вели дека тие средства ќе ги добиеме во неколку фази.

„Јас секојдневно сум во контакт со Европската унија и веќе обезбедивме фонд од 70 милиони евра, средстава кои ќе бидат пуштани во разни фази кои ќе бидат наменети за потребите на здравствениот систем, но и за економските штети кои ќе бидат предизвикани поради замрзнување на трговската размена во земјава. Навистина, иако во регионот се прави пропаганда дека наводно другите земји помагаат повеќе отколку ЕУ и дека ЕУ не покажува солидарност кон потребите на земјите од Западен Балкан, јас го демантирам тоа, бидејќи ние уште од првиот ден ги активиравме сите механизми за помош од ЕУ, а пример за тоа се 70 милиони евра кои се повеќе од доволни. Така што, сега целиот фокус ќе биде ставен врз здравјето на луѓето и менаџирањето со ситуацијата“, рече Бујар Османи вечерва на ТВ21.

РЕКЛАМА

Османи додава дека нашата држава има итна потреба од финансиска поддршка и помош од ЕУ.

- Реклами -