По голема и тешка битка одлични вести стигнуваат од првото жариште на зараза со коронавирус Кина.
Ширењето на вирусот корона на територијата на Кина е запрено, соопшти официјален претставник на Комитетот за здравствени прашања на Кина, Ми Фенг.
„Бројот на потврдени случаи со инфекција е помал од 3000. Ширењето на епидемијата на територијата на Кина е целосно запрено, изјави на брифинг Ми Фенг.
Според последните податоци во Кина од почетокот на пандемијата биле регистрирани 81439 лица со инфекција на коронавирус , од кои 75448 лица оздравеле, а 3300 починале.
Претходно кинеските медиуми објавија дека во провинцијата Хубеј, освен во Вухан, која е позната како жариште за ширењето на Ковид -19 по цели два месеци е обновен внатрешниот патнички авиосообраќај.
kanal5
