3.3 C
Ohrid
вторник, декември 1, 2020
Почетна Македонија Спасовски: Граѓаните знаеја дека ќе бидат ослободени од рати, но не и...

Спасовски: Граѓаните знаеја дека ќе бидат ослободени од рати, но не и од каматите во банките и кај извршителите.

Translate (Eng):[gtranslate]

Иако банките најавија одложување на кредитите за три до шест месеци, дилема е во јавноста дали граѓаните се доведуваат во заблуда ако се знае дека за тој период ќе се пресметува камата по каматна стапка предвидена во самиот договор.

Премиерот Оливер Спасовски вечерва во емисијата Топ тема на телевизија Телма објаснува дека граѓаните не се доведуваат во заблуда затоа што, тврди техничкиот премиер, тој дел од мерката бил соопштен од самиот почеток

– Треба да водиме сметка посебно кога станува збор за банкарскиот систем во државата. Дека е во добра кондиција, е во добра кондиција, дека треба да направиме се за да го одржиме во добра кондиција е исто многу важно. Затоа ги носиме одлуките вака, затоа во секојдневните консултации со Народна банка и со банкарскиот сектор решивме да се помогне на овој начин, секоја од банките да изврши одложување на плаќањето од 3 до 6 месеци. Точно е дека во овој момент нема предвидено да нема камата или да не се стопира каматата, но сепак треба да имаме предвид дека треба да се одржува ликвидноста. За една држава е многу важно да има ликвиден банкарски систем, можеме да донесеме секаква одлука но не смееме да донесеме одлука со која ќе се загрози здравите системи коишто сега ги имаме – вели тврди Сапсовски.

РЕКЛАМА

Спасовски рече дека владата не сака да носи избрзани решенија кои ќе му наштетат на цел еден сектор.

– Сега во државата се посакува никој ништо да не плаќа, никој за ништо да не се грижи во овој момент, државата се да подмири и на физичките и на правните лица. Тоа не е можно – рече тој.

Спасовски не исклучува да има нови ограничувања во контекст на мерките за заштита од ширење на заразата со коронавирус и додава дека тоа ќе зависи од однесувањето на граѓаните.

- Реклами -