11 C
Ohrid
сабота, септември 26, 2020
Почетна Македонија ''Шилегов до душманите'': Новата болница не е падната, и напротив денес доби...

”Шилегов до душманите”: Новата болница не е падната, и напротив денес доби струја и греење.

Translate (Eng):[gtranslate]

Мобилната болница кај Инфективната клиника во Скопје не само што не е пропадната поради снегот, туку е во совршено добра состојба, објави скопскиот градоначалник Петре Шилегов, демантирајќи ги обвинувањата од ВМРО-ДПМНЕ дека болницата „пропаднала“ под товарот на снегот. Како што вели Шилегов, фотографијата што ја објави портпаролот на опозицијата Димче Арсовски, била направена во 7 часот изутринава.

„Навистина не знам, дали и колку има човечност и зошто определени ‘ликови’ во дел од политичките структури, упорно се обидуваат да профитираат со политикантсво во услови на вонредна состојба.

Драги ‘душегрижници’, болницата која што заеднички ја подигнаа Министерството за Одбрана, Министерството за Здравство и Град Скопје, како што гледате е во совршено добра состојба. Денес се зацврстија и последните два шатори (така помпезно опишани дека пропаднале), се прави приклучокот на електрична енергија и ќе биде пуштено и греењето.

РЕКЛАМА

Искрено се надевам дека нема да има потреба да се користисти овој капацитет.

Што се однесува до Вашата ‘човечност’ и политикантство, сакам да верувам дека правевте првоаприлска шега со слики и констатации од 7 часот утрово.

Ако не Ви било шега, тогаш тоа повеќе зборува за Вас, какви ‘луѓе’ сте Вие всушност.

Јас лично, на секого од Вас, без оглед кои сте и какви сте (како луѓе), Ви посакувам добро здравје“, нaпиша Шилегов, споделувајќи фотографии на кои се гледа дека шаторите се исчистени од снегот и се во добра состојба.

- Реклами -