13 C
Ohrid
сабота, септември 26, 2020
Почетна Македонија Шилегов: Откажан е кредитот за Луна-паркот, ќе се земе нов кредит за...

Шилегов: Откажан е кредитот за Луна-паркот, ќе се земе нов кредит за да се реконструираат улици.

Translate (Eng):[gtranslate]

Градот го откажува кредитот за изградба на новиот Луна-парк. Ова денеска го соопшти градоначалникот Петре Шилегов додавајќи дека ќе се подигне нов кредит во иста вредност за изградба и реконструкција на улици и друга инфраструктура која ја работат домашни компании.

Намалена е комуналната такса за закуп на јавен простор од 15 на 5 денари за квадрат, колку што е минималната цена дозволена со закон за цела 2020 година, а се намалува и фирмарината за стопанските субјекти од 7.000 на 4.000 денари за 2020 година.

Исто така, комуналиите ќе може да се плаќаат на 18 наместо на 12 месечни рати. Ова се однесува за градби со комуналии чиј износ надминува 1 милион евра.

РЕКЛАМА

-Град Скопје е најголем фактор во македонската економија. Тука се остварува најголемиот дел од нашиот БДП, тука се најголемиот број работни места, тука се остварува најголемиот дел од инвестициите во земјата. Работите не смеат да запрат. Во изминатите две години Град Скопје покажа одлични финансиски резултати. Советот две години по ред усвојува завршни сметки, од кои јасно се гледа дека буџетот е на стабилни нозе и дека може да ги исполни своите цели, изјави Шилегов.

Тој додаде дека во годишната сметка на Град Скопје за 2019 година Градот остварил повеќе тековни приходи, извршил отплата на главнина по постојното задолжување и притоа остварил суфицит во износ од 528.010.827 денари.

Шилегов најави дека ова лето улиците во Скопје ќе продолжат да се градат, ќе продолжат да се прават големите паркови кои се почнати, мостовите и реновирањето на јавниот превоз.

- Реклами -