Министерот за внатрешни работи, Наќе Чулев денеска на Меѓународниот Аеродром Скопје ја прими донацијата од Владата на Република Словенија за МВР, што се состои од 100 илјади маски и 100 илјади ракавици во вкупна вредност од 110 илјади евра.
,Имајќи го во предвид моментот во кој доаѓа помошта е од исклучително значење за нас. Во оваа прилика сакам пред се во мое, и во името на Министерството за внатрешни работи да се заблагодарам на словенечкиот премиер Јанез Јанша и нашите пријатели од Словенија. Секоја донација и секоја помош е исклучително важни и значајни за Министерството за внатрешни работи и истата ќе ги зајакне и поддржи нашите секојдневни напори за заштита на полициските службеници кои во рамки на своите работни обврски и задачи деноноќно се изложени на ризикот од зараза со коронавирусот,, истакна министерот Чулев.
„Чест ми е што сме прва земја членка на Европската Унија и НАТО што дава билатерална донација за полициските службеници и задоволството од овој факт е навистина големо“, истакна амбасадорот на Република Словенија, Милан Јазбец.
