15.9 C
Ohrid
петок, април 25, 2025
ПочетнаМакедонијаСАД со 1,1 милиони долари ќе ѝ помогнат на Македонија во борбата...

САД со 1,1 милиони долари ќе ѝ помогнат на Македонија во борбата против ковид-19

spot_imgspot_imgspot_imgspot_img
spot_img

Американската влада ќе одвои 1,1 милиони американски долари за да го ублажи ширењето на појавата на ковид-19  Северна Македонија. Преку Американската агенција за меѓународен развој (УСАИД), Соединетите држави ги обезбедуваат овие средства на Светската здравствена организација (СЗО) и Фондот за деца на Обединетите нации – УНИЦЕФ за спроведување активности за поддршка на напорите на земјата да одговори на ковид-19, соопшти Амбасадата на САД во Скопје.

<

 

 

 

„Во ова време на неизвесност и вознемиреност, да се работи заедно е поважно од кога и да било. Убедена сум дека поддршката со овој пакет на помош ќе даде значителен придонес во борбата на Северна Македонија против ковид-19“, изјави амбасадорката Кејт Брнс.

 

Преку оваа помош, американската влада ќе поддржи:

Зајакнување на лабораториите за да се подготват лабораториските системи за тестирање во големи размери на ковид-19.

Надзор и брза реакција за подобрување на откривањето на случаи и надзор врз основа на настани за ковид-19. УСАИД, исто така, им помага на земјите да ги обучуваат и опремат екипите за брза реакција да ги испитаат случаите и да спроведуваат следење на контактите.

Комуникации за да им се помогне на луѓето да ги научат чекорите што можат да ги преземат за спречување и одговор на ширењето на вирусот преку медиумски кампањи специфични за земјата.

Управување со случаи за зајакнување на клиничката нега, додека се минимизира ризикот од пренесување натаму на други лица.

Превенција и контрола на инфекции за спречување и контрола на инфекции во здравствените установи.

„Во текот на изминатите 20 години, САД инвестираа скоро 11,5 милиони американски долари само во здравството и повеќе од 738 милиони американски долари вкупна помош за Северна Македонија, во низа области, вклучувајќи безбедност, земјоделство, граѓанско општество, економски развој, создавање работни места, женско претприемништво и образование.

Со децении, САД се најголем светски давател на билатерална помош во јавното здравство. Од 2009 година, американските даночни обврзници дарежливо ставаат на располагање повеќе од 100 милијарди долари здравствена помош и скоро 70 милиони американски долари хуманитарна помош на глобално ниво“, се додава во соопштението од Американската амбасада.

 

spot_imgspot_img
spot_img
spot_img
spot_imgspot_img
ПОВРЗАНИ СТАТИИ

Најпопуларни

Повеќе постови

Опожарено возило на улицата Македонски Просветители во Охрид – брзата интервенција спречи поголема несреќа

Опожарено возило на улицата Македонски Просветители во Охрид - брзата интервенција спречи поголема несреќа Денеска околу 14:00 часот, на улицата Македонски Просветители во Охрид избувна...

Мицкоски: Се укинуваат визите за Обединетите Арапски Емирати

Последната посета на Обединетите Арапски Емирати го донесе првиот конкретен резултат. На наше барање, тие ги укинуваат визите кои беа потребни за патување кон...

Ученици од бугарско село собраа 5.300 лева за настраданите во Кочани

Сума од 5.300 лева (околу 2.650 евра) собраа учениците од бугарското село Ивањане со велигденски хуманитарен базар за настраданите во трагедијата во Кочани, продавајќи...

Кумановска компанија донираше амбулантско возило за болницата во Куманово !!

Општа болница Куманово денеска доби донација, едно амбулантно возило од кумановска компанија. На примопредавањето на донацијата присуствуваше Министерот за здравство Арбен Таравари. Министерот кажа дека...