7.3 C
Ohrid
петок, декември 4, 2020
Почетна Македонија За првпат во Македонија се одржа онлајн судење !!!

За првпат во Македонија се одржа онлајн судење !!!

Translate (Eng):[gtranslate]

За прв пат денеска во Основниот суд Кавадарци  расправите за четири  судски предмети се одржаа со онлајн судења, со користење на  електронската платформа за двонасочна комуникација „Microsoft Teams“,  со што се овозможи судењата со сите инволвирани учесници да се одржат без нивно  заедничко физичко присуство  во зградата на судот, пишува веб порталот Академик.

„Во предметите за денешните онлајн судења  на Основниот суд Кавадарци учествуваа:  Основното јавно обвинителство Кавадарци, ЈУ Меѓуопштински центар за социјални работи Кавадарци и адвокатите застапници на странките во постапките.

РЕКЛАМА

На овој начин, судот и сите други учесници во постапката  ги презедоа и  обезбедија сите мерки за превенција, со  обезбедување на социјалната димензија за време на воспоставената вонредна  состојба, со цел за непречено одржување на расправите и преземање дејствија  во текот на судските постапки.

Основниот суд Кавадарци  ја користи оваа прилика да им изрази огромна благодарност на стручниот и професионалниот пристап и посветеноста во ова време на: Основното јавно обвинителство во Кавадарци и  јавните обвинители кои учествуваа во денешните постапки,  на ЈУ Меѓуопштинскиот центар за социјални работи  Кавадарци  и нивниот стручен тим,  како и на адвокатите кои со своите знаења и способности се охрабрија за прв пат да учествуваат и да помогнат да се одржат овие онлајн судења“, соопштуваат од Основниот суд Кавадарци.

Извор: Aкадемик

- Реклами -