7.6 C
Ohrid
недела, ноември 29, 2020
Почетна Македонија Османи во изолација- Носев заштитна опрема кога се сретнав со Димитриевски

Османи во изолација- Носев заштитна опрема кога се сретнав со Димитриевски

Translate (Eng):[gtranslate]

Вицепремиерот Бујар Османи соопшти дека се изолирал и решил да не отиде на состанокот на Советот за безбедност кај претседателот Пендаровски, по средбата со кумановскиот градоначалник, Максим Димитриевски на кого му е дијагностициран коронавирусот.

Османи рече дека ќе се тестира за да провери дали и тој е позитивен, посочувајќи дека постојано носел заштита опрема во текот на средбата.

„По позитивната потврда за СОVID-19 на Градоначалникот на Куманово, а поради тоа што вчера имавме состанок во општинскиот штаб во Куманово, и покрај тоа што цело време бев со лична заштита маска и ракавици за кои епидемиолозите сметаат дека се доволни за заштита, решив денес да не одам на состанокот на Советот за безбедност кај Претседателот и да се изолирам до вторник кога тестирањето треба да се направи според протоколите“, посочи Османи.

РЕКЛАМА

Тој му посака брзо закрепнување на градоначалникот Димитриевски, како и на сите граѓани заразени со коронавирусот.

- Реклами -