9.1 C
Ohrid
среда, октомври 21, 2020
Почетна Македонија Скопјанецот Али Февзи со свој пари купува храна и ја дели на...

Скопјанецот Али Февзи со свој пари купува храна и ја дели на сиромашните лица

Translate (Eng):[gtranslate]

Ова е мотото со кое денеска во 6 часот наутро се разбуди 38-годишниот Али Февзи – хуманитарецот со големо срце кој во оваа тешка криза одлучил да одвојува од сопствениот џеб за да нахрани барем по 20 семејства секој ден.

Добродушноста на овој Чаирчанец е прочуена од Драчево па се до Ѓорче.„Најмалку 5-6 часа ми одзема целиот процес – од пазарувањето па доставата низ Скопје. Околу 70-80 километри дневно поминувам со колата,“ вели Али Февзи.

Али не знае за поделба по пол, возраст или вера. Храната што ја купува најчесто ја носи кај социјално загрозени семејства, самохрани мајки со мали дечиња или стари и изнемоштени лица.Дневно прави промет и до 10.000 денари. Утринава го придружувавме додека со задоволство пазаруваше за мајка-вдовица која живее со нејзините две деца на 7 и 4-годишна возраст во населба Бутел.

РЕКЛАМА

Зад неговата хумана мисија се крие приказна, која што ретко кој ја знае. Пред 6 години за малку не настрадал во експлозија на плинска боца во зградата во која живее.Неговата „втора шанса“ за живот, како што ни раскажа, решил да ја преточи во несебична помош за оние кои се на работ на егзистенцијата.

„Од тогаш реков – колку што имам сила, ако имам на пример 1000 денари во џеб, ќе потрошам 800 за некој друг. Немам потреба да имам многу пари во животот. 17 години сум во брак, немам деца. Сакам секое дете што е ненајадено, ненапиено или е без татко и мајка, сакам да му помогнам,“ вели Али Февзи.

- Реклами -