23 C
Ohrid
петок, септември 18, 2020
Почетна Македонија Директорот на охридската болница: Наредив да се прима секој пациент, ние немаме...

Директорот на охридската болница: Наредив да се прима секој пациент, ние немаме право да ги враќаме

Translate (Eng):[gtranslate]

Новиот директор на Општата болница во Охрид, Горан Балевски, вели дека веднаш по неговото назначување дал наредба да се примаат сите пациенти кои ќе побараат помош, откако претходно, неговата колешка Славица Малеска беше разрешена поради тоа што персоналот на Инфективниот оддел вратил 66-годишна стружанка која барала хоспитализација, по што, таа почина. Балевски во интервју за „А1он“ вели дека имаат хоспитализирано пет лица кои се сомнителни, но нема резултати за да се види дали се заразени со коронавирусот.

-Мислам дека добро се справуваме со пандемијата досега. Моменталното на Инфективното одделение имаме сомнителни пациенти кои не се докажани. Земени се брисеви. Петте непотврдени случаи се 80% од Струга, 20% од Охрид. Тие се во стабилна здравствена состојба и се следат од вработени на Инфективниот оддел. Случаите кои се докажани дека имаат коронавирус, а се со полесна клиничка слика ги испраќаме во болницата во Битола, а пак, оние со потешка клиничка слика во скопските клиники, рече Балевски во изјава за порталот.

Директорот Балевски не сакаше да коментира за недостатоците кои ги констатираше ДСЗИ во болницата, за што беше разрешена неговата претходничка. Тој вели дека сега ги изменаџирал сите работи. Инфективното одделение во Охрид има 10 кревети, а бројот на медицински кадар е дуплиран, посочува Балевски.

РЕКЛАМА

-Наредив секој пациент да се прима, тоа е првата наредба која е дадена од мене. Ние немаме право да враќаме, без разлика од кој дел на државата доаѓа пациентот. Охрид и охридската болница примаат пациенти од целиот регион. Не верувам дека некој пациент не е задоволен од оваа болница. Имаме оддели на кои пациентите 70 проценти се од други градови, посочува Балевски.

Видео од разговорот со директорот погледнете на а1ОН

- Реклами -