-Добрите вести се предвесник дека овој тежок период има крај и заедно ќе успееме да надминеме. Се радувам за сите оздравени пациенти, за нивните семејства и најблиски. Се надевам дека сѐ почесто ќе слушаме добри вести. Благодарност до целиот медицински персонал кој даде сѐ од себе да им помогне, како и до пациентите и нивните семејства за соработката, дисциплината и трпеливоста, напиша министерот за здравство Венко Филипче на Фејсбук.
Под ова напишаното стои податок дека до сега се излекувани 200 пациенти.
За потсeтување, претходно Mинистерството за здравство извести дека денеска се оздравени 21 лице и тоа 16 од Скопје, 3 од Куманово и 2 од Штип, сите се лекувале во домашни услови.
