Директорот на Светската здравствена организација, Тедрос Адан Гебрејесус, ги предупредил земјите кои што планираат да ги ублажат мерките за сузбивање на пандемијата, да бидат подготвени на брз одговор во случај на нова епидемија Ковид-19.
Тедрос на виртуелниот состанок со министерството за здравство со земјите членки на G20, изјавил дека го охрабрува фактот што некои од членките почнуваат да планираат да се ублажат социјалните рестрикции поради пандемијата.
Меѓутоа, како што пренесуваат од AP, тој укажал дека клучно е тие мерки на ублажување да бидат спроведени во фази.
Укинувањето на рестриктивните мерки, како што додал тој, не значи крај на епидемијата во било која земја, туку почеток на наредната фаза во борба со истата.
„Од витално значење е во таа следна фаза, земјите да се едуцираат прво, да ангажираат зајакнување на своите луѓе за превентивно да спречат и брзо да одговорат на новата појава на вирусот. Да обезбедат доволно капацитети за тестирање, да изолираат и да водат грижа за секој случај на коронавирусот и да го следат секој еден чекор и контакт на заболените“ – изјавил Тедрос.
Директорот на СЗО изразил и загриженост поради засилувањето на пандемијата коронавирус во сиромашните земји, онаму каде што има недостаток на ресурси поради големиот број позитивни случаи.
точка
