Најдобриот светски тенисер Новак Ѓоковиќ на Фејсбук разговараше со своите колеги за моменталната состојба и многу други теми. Во „во живо“ учествуваа и Душан Борковиќ, Душан Лајовиќ, Александар Атанасијевиќ, Виктор Троицки, Ненад Зимоњиќ, Марко Пантелиќ, Јанко Типсаревиќ и Филип Краинановиќ.
Фокусот беше ставен на тековната состојба во врска со пандемијата на коронавирус, а Ѓоковиќ истакна дека ќе помине долго време додека сè не се врати во нормала. Ѓоковиќ, исто така, истакна дека патувањето ќе биде најголемиот проблем и дека темата за коронавирус ќе биде длабоко втисната во свеста на секој човек уште долго време.
Новак зборуваше и за можната вакцинација против Ковид-19.
„Јас лично не сум за вакцинација и не би сакал некој да ме присили да ја добијам вакцината за да можам да патувам. Ако тоа е правило и закон, тогаш што ќе биде тоа? Морам за себе да одлучам дали ќе се вакцинирам или не. Јас имам свое размислување, и дали ќе се смени во одреден момент незнам. Хипотетички, можеби ќе ја продолжиме сезоната во јули, август или септември, иако се мали шансите за тоа како што јас ја разбирам состојбата. Веднаш по укинувањето на строгиот карантин ќе има барање за задолжителна вакцина, која сè уште не е достапна “ , рече Ѓоковиќ, меѓу другите.
