Парите какви што сега ги знаеме наскоро би можеле да се преселат од банки и новчаници во музеи. Бидејќи светот се приближува до моментот кога ќе стане општество без готови пари, без плаќања со кеш. Пандемијата со корона вирусот само го забрза тој процес кој е речиси извесен.
Експертите велат дека ова е процес што не може да се запре, и дека станува збор само за тоа кога ќе се случи или кога единствениот начин на плаќање ќе станат платежните картички и мобилни апликации.
Секако, тоа ќе се случи пред многумина да се подготват за тоа а некои веќе го почнуваат процесот – во некои држави во следните неколку години. Првата земја во светот што ќе исфрли хартиени банкноти надвор од употреба е Шведска, каде се предвидува дека тоа би можело да се случи уште во 2023 година, според пишувањето на Бизнис.инфо.
Низ целиот свет, граѓаните користат новчаници и пари во кеш, но развојот на пандемијата на вирусот корона би можел дополнително да ја забрза еволуцијата на парите, како што растат продажбите преку Интернет, социјалното растојание и дигиталните плаќања.
