Mинистерот за здравство, Венко Филипче, во вечерашното гостување во емисијата Топ Тема на Телма ТВ, објави дека во рамки на помошта од Европската Унија обезбедени се 12 респиратори.
„Од попладнево имаме убава информација, со помош на ЕУ се обезбедија 12 респираторни машини и 5 маски. Машините ќе бидат поделени на Клиниката за инфективни болести и на болницата ‘8-ми септември’“, рече Филипче.
Покрај овие, владата е во набавка на уште 31 респиратор.
Набавката на овие респиратори, потсети министерот, заврши и сега се очекува испораката.
Извор: 360 степени
