16 C
Ohrid
четврток, октомври 29, 2020
Почетна Македонија Градоначалникот на Чешиново-Облешево успеа за две недели да ја победи короната..

Градоначалникот на Чешиново-Облешево успеа за две недели да ја победи короната..

Translate (Eng):[gtranslate]

Градоначалникот на општина Чешиново-Облешево, Горанчо Крстев добил два негативни резултати од тестирањата на коронавирусот, со што по двонеделната домашна изолација од утре ќе се врати на вообичаените работни активности.

-Денеска ги добив резултатите од двата теста направени во Институтот за јавно здравје кои не покажуваат присуство на вирусот. Во текот на изминатите две недели, додека бев во карантин, воопшто немав симптоми на КОВИД-19, но се придржував кон мерките за заштита. Исти се резултатите и кај мојата сопруга, поради што сметам дека непотребна беше целата паника и негативните ставови во јавноста за мене и за членовите на моето семејство, истакна Крстев.

На почетокот од овој месец, Крстев направи две тестирања во приватни клиники, откако кон крајот на март бил кај фризерот од Кочани кој почина на Клиниката за инфективни болести како последица од коронавирусот. Тогаш резултатите од тестирањата на градоначалникот беа позитивни.

РЕКЛАМА

Во меѓувреме, вработените во општинската администрација на Чешиново-Облешево, кои исто така беа во двонеделна домашна изолација, од почетокот на оваа недела постепено се враќаат на работните места, а општинските служби се комплетираат и нормално функционираат.

MИА

- Реклами -