17.9 C
Ohrid
среда, август 13, 2025
ПочетнаМакедонијаДржавата распиша тендер од 200.000 евра, некој да го одржава порталот Е-услуги

Државата распиша тендер од 200.000 евра, некој да го одржава порталот Е-услуги

spot_imgspot_imgspot_imgspot_img
spot_img

Министерството за информатичко општество и администрација распиша тендер за избор на фирма која ќе го одржува националниот портал за е-услуги. Според огласот објавен вчера на страната на Бирото за јавни набавки проценетата вредност на договорот со траење од една година е 12 милиони денари или 200.000 евра. Тоа значи дека месечно одржување на порталот за електронски услуги ќе чини 16.600 евра.

<

Од Министерството за информатичко општество и администрација велат дека одржувањето не подразбира само одржување на порталот како софтвер, туку и одржување на хардверот и лиценци за функционирање на порталот.

„Во превод ова значи дека, сумата од 200.000 евра е за три различни ставки, споени во една. Одржувањето е превентивно за тоа што веќе е реализирано на порталот но и адаптивно. Адаптивно значи надградба на дополнителни функционалности и нови е-услуги кои ќе се нудат преку порталот. Во периодот кој ни претстои, во контекст на функционирање на животот во услови на постоење на КОВИД-19 од огромна важност ќе биде постојаната надградба и дополнување на порталот. Исто така, одржувањето се однесува и на зголемување на функционалностите на порталот, со кои во наредниот период покрај граѓаните, услуги ќе можат да добиваат и фирмите. Од тука, сомнежот дека сумата за одржување е голема е неоснован. Дополнително, ова е почетна сума за јавната набавка, која постои можност и да биде намалена во текот на постапката“, велат од Министерството за информатичко општество и администрација.

Од Министерството велат дека вонредната состојба во којашто сме сега, ја зголемува важноста и потребата од дигитализација на процесите со цел да се обезбеди непречен тек на работите за сите граѓани.

„Токму сега, повеќе од било кога, потребно е порталот за е-услуги да биде функционален и постојано надградуван, за да можат граѓаните да добиваат услуги од својот дом. На тој начин нема потреба физички да ги посетуваат институциите и со тоа да се изложуваат на непотребен ризик. Тука, можат да се добијат 128-те најчесто барани услуги за граѓаните, а со посебна надградба во моментов на порталот uslugi.gov.mk се аплицира и се добиваат дозволи за движење, во услови на ограничено движење“, додаваат од Министерството за информатичко општество и администрација.

Националниот портал за е-услуги беше промовиран лани во декември. Дел е од проектот “Помош и зајакнување на капацитетите на реформите во јавната администрација“ и финансиран од страна на Европската Унија, во рамки на ИПА 2012. Вкупната вредност на договорот е 1.349.000 евра, а во рамки на истиот освен порталот развиено е и софтверското решение за Централниот регистар на население, анализа на европските добри практики во однос на регистри на население, како и препораки за законската рамка за да се обезбеди функционирање на овие системи.
Договорот е имплементиран од страна на фирмата „Aркидата“ од Италија, во конзорциум со „Некстсенс“.

А. АНТЕВСКА сдк.мк

spot_imgspot_img
spot_img
spot_img
spot_imgspot_img
ПОВРЗАНИ СТАТИИ

Најпопуларни

Повеќе постови

15 годишно дете со автоматска пушка го извршило убиството викендов во Тетово

Основното јавно обвинителство Тетово отвори истрага против четири лица – тројца возрасни и едно дете – осомничени за крвавиот оружен напад што се случи...

Вработените на Урологија се откажале од парите за службени мобилни и наместо тоа купиле 18 клими за пациентите

Универзитетската клиника за урологија денеска ја промовираше новата, целосно реновирана болничка инфраструктура, како дел од широк инвестициски и реформски циклус, кој опфаќа модернизација и...

Циркузот продолжува: Директорката Лозановска не сака да зборува на англиски иако положила курс во Бугарија.

Во последните денови, јавноста со големо внимание го следи случајот со поранешната директорка на училиштето во Демир Хисар, Маја Лозановска, кој повторно ја отвори дебатата...

Ахмети: Јас резервна татковина немам- Мојот прадедо и дедо почиваат во кичевско.

Тогаш и денес, јас друга држава немам. Јас резервна татковина немам. Мојот прадедо и дедо, моите татко и мајка, почиваат во Зајас, Кичевско, вели...