Во болниците во кинескиот град Вухан од каде што пандемијата се прошири низ целиот свет, повеќе нема заразени со коронавирусот, изјави денес портпаролот на Националната здравствена комисија, Ми Фенг.
<
„Последната вест е дека на 26-ти април, бројот на новозаболени од коронавирусот во Вухан е нула, благодарение на напорите на градот и медицинските работници од сите краишта на земјата“, изјави Фенг на конференцијата за медиуми.
Во Вухан се пријавени 46,452 случаи на Ковид-19, што е 56% од вкупниот број на заразени на територијата на Кина.
Според податоците на кинеските власти, во овој град досега починаа 3,869 лица, што 84% од вкупниот број на починати во земјата.
