3.9 C
Ohrid
петок, април 16, 2021
Почетна Македонија Пендаровски не се согласува со Малески но и понатаму го сака за...

Пендаровски не се согласува со Малески но и понатаму го сака за свој советник

Translate (Eng):[gtranslate]

Последните јавно искажани ставови на професорот Денко Малески не кореспондираат со размислувањата и ставовите на претседателот Стево Пендаровски за македонско-бугарските односи, одговори претседателскиот кабинет на прашањето на Радио Слободна Европа за ставот на претседателот Пендаровски во врска со коментарите на професорот Малески, кој е негов надворешен советник.

„Професорот Денко Малески е надворешен советник на претседателот Пендаровски, кој има уште двајца надворешни советници за прашања од областа на надворешната политика. Во Кабинетот, постојани советници за овие прашања се амбасадорот Гоце Карајанов и д-р Александар Љ. Спасов со кои претседателот е во комуникација на дневна основа. Освен споменатите, претседателот се консултира и со многу други експерти и професори од академската заедница и од МАНУ. Последните јавно искажани ставови на професорот Малески не кореспондираат со размислувањата и ставовите на претседателот Пендаровски за македонско-бугарските односи“, ни одговорија од претседателскиот Кабинет.

Сепак, велат од Кабинетот, тој факт не значи дека претседателот Пендаровски не треба да соработува со професорот Малески.

РЕКЛАМА

 

„Одамна е зад нас времето кога сите советници на претседателот и премиерот, до последен, имаа задача само да ги повторуваат ставовите на своите претпоставени“, се вели во одговорот од Кабинетот на Пендаровски.

- Реклами -