2.8 C
Ohrid
четврток, јануари 21, 2021
Почетна Македонија Срце ме боли кога ја гледам како Македонија проси за заштитни маски...

Срце ме боли кога ја гледам како Македонија проси за заштитни маски и ракавици, светот крена раце од нас, дојдовме прва земја по смртност.

Translate (Eng):[gtranslate]

Пандемијата оди кон крајот на нејзината прва фаза, а ние уште чекаме милосрдие и вест на денот е кога некој ќе ни донира нешто. Некој дал маски, друг ракавици, трет 12 респиратори, четврт ни дал тестови или скафандери, по некој шатор и сѐ така. Заличивме на просјачка земја, а не ни е финансиската состојба таква да треба така да се однесуваме затоа што станува збор за набавки кои буџетот може да ги поднесе, пишува поранешниот премиер Никола Груевски на фејбук.

„Терајќи вака со донациите дојдовме да бидеме земја со убедливо највисока смртност во регионот на еден милион жители и втора со најмногу заразени во апсолутни бројки. Засега и сѐ до масовното вакцинирање покрај социјалната раздалеченост, заштитните средства ќе се единствениот инструмент за спречување на заразата со ковид 19. За секој кој смета дека кризата се надминува, потсетување дека заштитните средства ќе станат задолжителни и нужни уште најмалку цела една година. И донаторите ќе кренат раце од нас, доколку не се организираме. До кога ќе живееме со ментален склоп на штитеници? Зошто ни треба некој да ни кажува дека во кризата стои зад нас и нас тоа да ни дава кураж како да сме деца, наместо самите да се организираме и да покажеме дека знаеме, можеме, помагаме на себе и на други. Си ги решаваме проблемите сами. Да бидеме пример за многу други“, порачува Груевски.

РЕКЛАМА
- Реклами -