-1 C
Ohrid
среда, јануари 27, 2021
Почетна Македонија Филипче: Македонија одлично се справува со вирусот, за скоро време може и...

Филипче: Македонија одлично се справува со вирусот, за скоро време може и за избори да размислуваме.

Translate (Eng):[gtranslate]

Министерот за здравство Венко Филипче, на денешната прес-конференција зборувајќи за тоа кога се планира да се одржуваат избори, рече дека дури тогаш кога ќе може со сигурност да се каже дека бројот на заболени се намалува, дека дефинитивно станува фактор во трансмисија под единица, како што е сега просекот на ниво на цела држава, ќе може да се планираат и други активности.

Тој потенцираше дека во овој момент се уште не било разговарано во рамки на активностите и состаноците на Комисијата за заразни болести за спроведување на изборите но јасно станува дека и преку министерот за здравство, власта полека почнува да го подготвува теренот за изборна битка.

– Сметам дека ако нема таква работа и трендот се задржи и во следните денови сигурно во овој период од месец, два, летните месеци, ќе бидеме во една ситуација во која што доколку граѓаните коректно се придржуваат до мерките – носење на заштитните маски, тоа е една од најбитните работи во спречувањето на трансмисијата на болеста, односно на вирусот, епидемијата ќе ја држиме под контрола, истакна министерот.

РЕКЛАМА

Промената на фокусот за новодијагностицирани, излекувани од вирусот и починати каде се нагласува позитивниот тренд на оздравени пациенти, намалувањето на бројот на тестирања, повторувањето на податоците дека трансмисијата на вирусот е под 1 на територијата на Македонија, неприфаќањето на предлогот на Комисијата за заразни болести за викенд карантин за првомајските празници, и повторувањето на плановите дека се прави план за враќање на животот во нормала во Македонија се поклопува со информациите во медиуми дека од владеачката партија веќе наголемо се лицитира со датум за оддржување на избори, како и со изјавата на генералниот секретар на СДСМ дека на избори ќе се оди со маска и ракавици а во просториите за гласање ќе се оддржува дистанца од 2 метри несомнено упатуваат на заклучокот дека во позадина на здравствената и економска криза на големо се подготвува терен за оддржувањето на предвремените парламентарни избори.

- Реклами -